Bakı, 13 yanvar, AZƏRTAC
“Qəbələ” futbol klubunun qapıçılar üzrə məşqçisi Andrey Qluşenko komandadan ayrılıb.
Klubdan AZƏRTAC-a bildiriblər ki, ukraynalı mütəxəssis ailə vəziyyətinə görə vətəninə geri dönüb. A.Qluşenkonu "Qəbələ"nin əvəzedicilər üzrə komandasının qapıçı-məşqçisi Vüqar Məmmədov əvəz edib.
Qeyd edək ki, Vüqar Məmmədov daha əvvəl də əsas komandada fəaliyyət göstərmişdi. O, Toni Adams, Ramiz Məmmədov və Fatih Kavlakın məşqçilər korpusunda yer almışdı.
