Aşıq Əlinin səhhəti ilə bağlı yayılan xəbərlər yaxınlarını narahat edib.
Milli.az xəbər verir ki, hazırda aşıq Əli Essentukidə müalicə kursu keçməklə yanaşı, istirahət edir. Sənətçi bildirib ki, gün ərzində aldığı zənglər və yaxınlarını narahatlığı onu açıqlama vermək məcburiyyətində qoyub.
"Ötən günlərdə səhhətimlə bağlı xəbər yayıldı. İnsanlar çox narahat oldu. Bakıda deyiləm, mətbuat vasitəsi ilə açıqlama vermək istəyirəm ki, narahatlığa ehtiyac yoxdur.
Müalicə və istirahət üçün gəlmişəm. Buna əksəriyyət adamın ehtiyacı var. Yaxın günlərdə Bakıya qayıdacam".