Qətərin Əl Jazeera telekanalı aprelin 30-da ABŞ-da fəaliyyətini dayandıracaq. Telekanal Birləşmiş Ştatlardakı ofisini bağlayacaq, ölkə ərazisində kabel yayımına son qoyacaq.
Milli.Az Al Jazeera-ya istinadən bildirir ki, olaya səbəb ABŞ-ın media bazarında rəqabətin kəskinləşməsidir.
"Telekanalımızın Al Jazeera America-nı qapatmasının səbəbi biznes-modelimizin ABŞ-dakı media bazarında yaşanan iqtisadi prloblemlər şəraitində dayanıqlı olmamasıdır", - telekanalın rəhbəri El Enstey deyib.
Al Jazeera ABŞ-da ancaq rəqəmsal servislərlə təmsil olunacaq.
Al Jazeera America telekanalı 2013-cü ildə yayıma başlasa da, populyar ola bilməyib. Bəzən telekanal ekran qarşısına heç 30 min tamaşaçı da yığa bilmirdi.
Al Jazeera baş ofisi Qətərin paytaxtı Dohada olan beynəlxalq media konsernidir.
Milli.Az
