Bakı, 14 yanvar, AZƏRTAC
2015-ci il ərzində Azərbaycan Respublikası ərazisinə tranzit məqsədilə daxil olan nəqliyyat vasitələrinin təqsirindən 105 sığorta hadisəsi baş verib.
İcbari Sığorta Bürosundan (İSB) AZƏRTAC-a verilən məlumata görə, Azərbaycan Respublikası ərazisinə tranzit məqsədilə daxil olan və sığorta hadisəsi törətmiş nəqliyyat vasitələrinin 61-i yük, 28-i minik, 15-i qoşqu, 1-i isə avtobus kateqoriyasına aid olan nəqliyyat vasitəsi olub. Baş vermiş 105 sığorta hadisəsindən yalnız biri sağlamlığa dəyən zərərlə bağlı qeydiyyata alınıb.