Bakı. 14 yanvar. REPORT.AZ/ Azərbaycanda mənzil-kommunal sahəsində formalaşmaqda olan yeni münasibətlərə uyğun olaraq, 2015-ci ildə 9 Mənzil Mülkiyyətçiləri Müştərək Cəmiyyəti (MMMC) qeydiyyatdan keçib.
“Report” İqtisadiyyat və Sənaye Nazirliyinə istinadən məlumat verir ki, bununla da, dövlət qeydiyyatına alınan mənzil mülkiyyətçiləri müştərək cəmiyyətlərinin sayı 18-ə çatıb.
Hazırda Nazirlik Bakı, Sumqayıt, Xırdalan və Mingəçevirdə yerləşən çoxmənzilli binalarda yeni idarəetmə üsullarının tətbiqi, yeni MMMC-nin yaradılması ilə bağlı müvafiq təşkilati işlər həyata keçirir.
