Bakı. 14 yanvar. REPORT.AZ/ Əfsanəvi britaniyalı teatr və kino aktyoru Alan Rikman cümə axşamı 70 yaşında dünyasını dəyişib.
"Report" xəbər verir ki, gənc nəslə Harri Potter haqqında çəkilən filmlərdəki professor Severus Sneyp rolu ilə məlum olan aktyor xərçəng xəstəliyindən ölüb.
Rikmanın karyerasında "Çətin ölüm", "Ətriyyatçı: bir qatilin tarixçəsi", "Ağıl və hiss", "Rasputin" kimi filmlər olub. O ümumilikdə 50 filmə çəkilib, çoxsaylı teatr işinə imza atıb.
