Bakı, 15 yanvar, AZƏRTAC
Yanvarın 16-da “İnter Arena” İdman kompleksindəki Azərbaycan Milli Karate Federasiyasının təlim-məşq bazasında növbəti praktiki hakimlik seminarı keçiriləcək.
AZƏRTAC xəbər verir ki, hakimlər komitəsinin sədri, beynəlxalq hakim Cahangir Babayevin rəhbərliyi altında təşkil ediləcək seminarda Bakı, Sumqayıt və Xırdalan şəhərlərinin karate cəmiyyətlərinin hakimlərinin iştirakı nəzərdə tutulur.
Seminara bölgələrdən də nümayəndələrin qatılması gözlənilir.
