Dünya bazarlarında neftin qiymətində stabillik müşahidə olunur.
Milli.Az anspress-ə istinadən bildirir ki, dünən 30.19 dollar olan "Brent" markalı neftin qiyməti bir neçə sent bahalaşaraq 30.75 dollar olub.
"Texas" markalı neftin qiymətində də stabillik müşahidə olunur. Belə ki, ötən gün səhər 30.85 dollar olan "Texas" (WTI) markalı neftin bir barelinin qiyməti müxtəlif dalğalanmalardan sonra 30.88 dollarda qərarlaşıb.
"AzəriLayt" markalı neft isə 0.37 dollar ucuzlaşıb. Bir barelin qiyməti 31,55 dollar təşkil edib.
Qızılın qiymətində cüzi ucuzlaşma müşahidə edilib. "Bloomberg"in məlumatına görə, qiymətli metalın 1 qramı 34,65 dollardır. Gümüşün qiyməti cüzi ucuzlaşma ilə 1 qram üçün 0.44 dollar müəyyənləşib.
Yanvarın 14-nə AMB-nin USD/AZN rəsmi məzənnəsi 1,5706 səviyyəsində olub. Avronun məzənnəsində də cüzi bahalaşma qeydə alınıb. Avro 1.7106 manat, Rusiya rublu isə cüzi bahalaşma ilə 0.0204 manata yüksəli.
AMB-dən verilən məlumata görə, Mərkəzi Bankın 15.01.2016-cı il tarixinə USD/AZN rəsmi məzənnəsi stabil qalaraq 1,5706 səviyyəsində müəyyən olunub.
Milli.Az
