Bakı, 15 yanvar Zərəngiz Mansurova, AZƏRTAC
“Elm və təhsil” nəşriyyatında Azərbaycan ədəbiyyatında özünəməxsus yeri olan Xalq Şairi Zəlimxan Yaqub yaradıcılığına həsr edilmiş yeni kitab işıq üzü görüb.
Əməkdar Mədəniyyət İşçisi Musa Nəbioğlu AZƏRTAC-a bildirib ki, nəfis tərtibatla çap olunmuş kitaba Xalq Şairi Xəlil Rza Ulutürkün Z.Yaqub haqqında müxtəlif vaxtlarda dərc etdirdiyi ayrı-ayrı yazılar, məqalələr toplanıb. Nəşrdə, həmçinin X.R.Ulutürkün gündəliyində onunla bağlı heç yerdə dərc olunmayan qeydlər də yer alıb.