Şəhidlər xiyabanına gələnlər ən çox ayaqlarını İlham və Fərizənin məzarları önündə saxlayırlar. Bir dəqiqəlik sükutla onların ruhunu yad edirlər. Hər ikisinin sevgisi, sədaqəti və məhəbbəti qarşısında baş əyirlər. 20 yanvar faciəsinin 26-cı il dönümündə təbrizli rəssam Səməd Təbrizli də bu mövzuya müraciət edib. Onun yaratdığı "İlham və Fərizə" xalçası təkcə onların deyil bütün şəhidlərimizın ruhuna olan sayğıdır.
Milli.Az atv.az-a istinadən bildirir ki, həmin tarixdən düz 26 il ötür. Xalqımızın yaddaşına müstəqil, hərflərlə yazılan o gündən...Bəli, məhz müstəqil. Hansı ki, yüzlərlə soydaşımız məhz bu müstəqilliyin şəhidi oldular. Bütün hallarda qibtə etdiyimiz şəhidlər... Dünyaya hər kəs kimi, zərrə qədər gəlib ölümü ilə dünya olmağı bacaran- İlham və Fərizə... Azərbaycan tarixinə adları sevgı ilə yazılan sevgililər...
Ölümü ilə qəhrəmanlıq dastanı yazan Fərizə adlı bu xanıma hələ çox dastanlar yazılacaq. Həyat dastanı sevgi dolu bu xanıma... 20 yanvar şəhidləri barəsində çox əsərlər yaradılıb, yaradılır, əsrlər boyu yaradılacaq da. Cənubu Azərbaycanlı rəssam Səməd Təbrizli "İlham və Fərizə " adlı xalçanı yaradarkən sadəcə bir Azərbaycanlı kimi borcunu yerinə yetirib.
Təbrizli xalçaçıların əllərinin qüdrəti ilə toxunmuş bu xalçanın müəllifi Səməd bəyin sözlərinə görə, xalçada 800 min ilmə var. Xalçanın toxunmasında 182 yun sap boyansa da, qarışdırılan rənglərlə birgə "İlham -Fərizə " xalçasında 230 -dan artıq rəngdən istifadə edilib. Onu da deyək ki, xalçanın ərişləri uzun illər qalsın deyə, ipəkdən düzəldilib. "İlham və Fərizə xalçası üzərində uzun müddət iş gedib. Bu xalçanın rəssamlıq işı 3 ay, toxunması isə:
Ayrılığa dözmədi. Haqq dünyasında sevgilisi ilə görüşə tələsdi. Onları bir məzarda dəfn etdilər. Sonsuza qədər bir yuvaları oldu, soyuq da olsa sevgiləri ilə isinən yuvaları...İndi oları dünyanın heç bir mənfur siyasəti ayıra bilmir...
Bax beləcə, qanlı 20 Yanvar faciəsində "Fərizə və İlham" dastanı yarandı. Onlar sadiqlik, sədaqət rəmzinə çevrildilər... Xalçalarının zərif naxışları var, həyatda naxışı gətirməyənlərin. Rahat yatın, uğrunda şəhid olduğunuz vətəninizin bayrağı, ruhunuzun üzərində daim dalğalanacaq...
Milli.Az
