Bakı. Ənvər Məmmədov - Trend:
Azərbaycan Prezidenti İlham Əliyevin apardığı islahatlar ölkədə biznesin təşkili üçün hər cür şərait yaradıb. Trend-in məlumatına görə, bunu AZERNEWS-a müsahibəsində Ukraynanın Azərbaycandakı səfirliyinin İqtisadi şöbəsinin rəhbəri Vadim Sidyaçenko deyib.
O bildirib: "Bu barədə mənə Azərbaycanda işləyən ukraynalı biznesmenlər də deyirlər. Vergi, gömrük və fiskal sistemlərdəki islahatlar, sahibkarlıq sahəsində yoxlamaların ləğvi sahibkarlara daha böyük azadlıq verdi ki, bu da biznesi inkişaf etdirməyə imkan verir. Bir çox biznesmenlər qeyd edirlər ki, ölkədə işləmək daha asan olub".
V.Sidyaçenko Ukraynanın Azərbaycanla birgə müəssisələrin təsis edilməsinə maraq göstərdiyini vurğulayıb və onların yaradılmasında sənaye parklarının vacibliyini qeyd edib.
Bizi Twitter-dən izləyin: @trend_az
