Madrid, 15 yanvar, AZƏRTAC
İspaniyanın xarici işlər üzrə dövlət katibi İqnasio İbanes Avropa İttifaqının Cənubi Qafqaz üzrə xüsusi nümayəndəsi Herbert Salberlə görüşündə regionundakı mövcud münaqişələrlə bağlı mövqeyini diqqətə çatdırıb. O deyib ki, bu münaqişələr BMT Nizamnaməsi və Helsinki Yekun Aktına uyğun, beynəlxalq səviyyədə tanınmış sərhədlər çərçivəsində, ərazi bütövlüyü prinsipi əsasında həll edilməlidir.
İspaniyanın dövlət katibi Avropa İttifaqı ilə Azərbaycan arasında münasibətlərin dərinləşdirilməsinin vacibliyini qeyd edib.
Aygün Əliyeva
AZƏRTAC-ın xüsusi müxbiri
Madrid