"Real" (Madrid) klubunun yarımmüdafiəçisi Xames Rodriges karyerasını İngiltərə Premyer Liqasında davam etdirə bilər.
Milli.Az qol.az-a istinadən xəbər verir ki, 24 yaşlı futbolçu "Mançester Yunayted"in maraq dairəsinə düşüb.
"Real"ın əsas heyətindən kənarda qalan kolumbiyalı futbolçunun komandadan ayrılmaq istədiyi bildirilir. Rodrigesin təzminat qiyməti 75 milyon avrodur. İngiltərə təmsilçisi Rodriges üçün bu məbləğdən keçməyə razıdır.
Qeyd edək ki, Kolumbiya millisinin üzvü 2014-cü ildə "Monako"dan "Real"a transfer olunub.
Milli.Az
