Ukraynanın Odessa vilayətinin qubernatoru Mixail Saakaşvili Mariya Qaydarı özünə müavin təyin edib.
Modern.az Ukrayna KİV-nə istinadən xəbər verir ki, xanım Qaydar sosial müdafiə və səhiyyə məsələlərinə cavabdeh olacaq.
Buna qədər xanım siyasətçi Mixail Saakaşvilinin köməkçisi idi.
Mariya Qaydar Rusiyanın ilk maliyyə naziri və eks-baş naziri Yeqor Qaydarın qızıdır.
Mariya Qaydar Putin hakimiyyətinə qarşı müxalif düşüncələri ilə seçilib və 2015-ci ilin iyulunda Ukrayna vətəndaşlığı qəbul edərək Mixail Saakaşvilinin komandasında fəaliyyətə başlayıb.
