İtaliyada yaşayış binasında partlayış nəticəsində beş nəfər həlak olub

İtaliyada yaşayış binasında partlayış nəticəsində beş nəfər həlak olub
15:18 16 Yanvar 2016
31 Digər
Ölkə mətbuatı
A- A+


Savona, 16 yanvar, AZƏRTAC
İtaliyanın Savona vilayətinin Arnasko qəsəbəsində yaşayış binasında baş vermiş partlayış beş nəfərin həyatını itirməsi, bir nəfərin isə ciddi yaralanması ilə nəticələnib. Qaz sızması nəticəsində baş verən şiddətli partlayış dörd mənzildən ibarət binanın tamamilə dağılmasına və ətrafdakı tikililərin zərər görməsinə səbəb olub. Xilasedicilər zərər görmüş binalardan insanların təxliyyə olunmasına başlayıblar.
Arnaskonun meri Alfredino Gallizia gecə saatlarında baş vermiş hadisənin səbəblərinin araşdırıldığını bildirib. O deyib: “Daha əvvəl bu cür güclü partlayışın şahidi olmamışdım. Bina yerlə-yeksan olub. Yanğınsöndürənlər, xilasedicilər və polis dağıntılar altında başqa kiminsə qalıb-qalmadığını müəyyənləşdirməyə çalışır”.
Maqsud Dadaşov
AZƏRTAC-ın xüsusi müxbiri
Savona


Xəbərin orijinal ünvanı: http://azertag.az/xeber/Italiyada_yasayis_binasinda_partlayis_neticesinde_bes_nefer_helak_olub-919042

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR