Bu gün Yasamal rayonunda bir mənzildə 3 nəfər boğulub.
Milli.Az Fövqəladə Hallar Nazirliyinə istinadən bildirir ki, qurumun Böhran Vəziyyətlərində İdarəetmə Mərkəzinə Bakı şəhəri, Yasamal rayonunda mənzildə 3 nəfərin bağlı qapı arxasında köməksiz vəziyyətdə qalması barədə məlumat daxil olub. Dərhal nazirliyinin Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilə baxış keçiriblər.
Zərərçəkmişləri huşsuz vəziyyətdə aşkar edən xilasedicilər hadisə yerinə Təcili Tibbi Yardım Stansiyasının həkimlərini çağırıblar. Həkimlərin apardıqları ilkin müayinə zamanı onlardan birinin dəm qazından zəhərlənərək vəfat etdiyi və digər 2 nəfərin vəziyyətinin ağır olduğu müəyyən olunub. Əməliyyat saat 14:03-də başa çatıb.
Milli.Az