Filippində müşahidə olunan “Canqmi” tropik qasırğası daşqınlara səbəb olub. Əsasən, Mindanao adası təbii fəlakətdən əziyyət çəkib.
ANS TV-nin məlumatına görə, bir neçə bölgədə qəfildən gələn sel, eyni zamanda, torpaq sürüşmələri 31 nəfərin ölümünə, 7 nəfərin itkin düşməsinə səbəb olub. Sel suları bir neçə regionu təcrid edib.
Xilasedicilər ekskavatorla insanları xilas ediblər. Sürəti saatda 140 kilometrə çatan şiddətli küləklər çoxsaylı dağıntılar törədib. Meteoroloqlar qasırğanın hazırda qərb sahillərinə doğru irəlilədiyini bildiriblər. Hələlik qasırğanın dağıdıcı gücü də azalmayıb.
Xatırladaq ki, 2013-cü ildə Filippində baş vermiş “Hayyan” qasırğası nəticəsində 6340 nəfər ölmüşdü.
