"Əhali manata görə narahat olmamalıdır"

"Əhali manata görə narahat olmamalıdır"
20:37 19 Fevral 2015
33 Sosial
Ölkə mətbuatı
A- A+

"Azərbaycan əhalisi dolların məzənnəsinin bahalaşması ilə əlaqədar təşvişə düşməməlidir". Bunu Trend-ə Milli Məclisin İqtisadi siyasət komitəsinin üzvü, millət vəkili Rüfət Quliyev deyib.

O qeyd edib: "Faktiki olaraq nə baş verdi: insanlar manatı dollara və manatda saxlanılan əmanətləri xarici valyutaya dəyişməyə yönəldilər. Təbii ki, bu da manata təzyiq göstərir. Hesab edirəm ki, böyük həcmli əmanətləri həmişə üç valyutada - manat, dollar və avroda - saxlamaq lazımdır ki, məzənnə dəyişəndə vəsait itirməyəsən".
 
Deputatın fikrincə, Azərbaycanda bir sıra postsovet ölkələrinin üzləşdiyi milli valyutanın ciddi devalvasiyasını gözləməyə dəyməz: "Manat uzun müddət möhkəmlənib və faktiki olaraq postsovet məkanında devalvasiyaya məruz qalmayan azsaylı valyutalardan biri olub".
 
R.Quliyev bildirib ki, Azərbaycan manatının sıçrayışla devalvasiyaya məruz qalması üçün heç bir şərait yoxdur: "Manatın məzənnəsinin zəifləməsi müəyyən müddət ərzində davam edəcək və cüzi olacaq".
 
O əlavə edib ki, hökumətin manat kütləsini qarşılamaq üçün kifayət həcmdə qızıl ehtiyatları var: "İlin əvvəlindən Mərkəzi Bankın manatın məzənnəsinin qorunması üçün 1 milyarddan çox xərcləməsinə baxmayaraq, digər ölkələrdə olduğu kimi milli valyutanın məzənnəsinin zəifləməsini gözləməyə dəyməz. İndiki halda manatın sabitliyi ölkənin artan iqtisadiyyatı və qızıl ehtiyatları ilə möhkəmlənir".
 
Millət vəkili vurğulayıb: "Hazırda prioritet vəzifəmiz qeyri-neft sektoru və bu sektorun məhsullarının ixracıdır. Bu, istənilən halda manatın müəyyən zəifləməsinə gətirib çıxarmalı idi".

Milli.Az


Xəbərin orijinal ünvanı: http://news.milli.az/society/325585.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR