Cen Psaki yeni vəzifəyə keçdiyi üçün ABŞ Dövlət Departamentinin rəsmi nümayəndəsi postunu tərk edir.
Milli.Az modern.az-a istinadən bildirir ki, Ağ evdən 36 yaşlı Psakinin hamilə olduğu haqda da məlumat verilib. Ağ ev nümayəndəsi Denis Mak Donun sözlərinə görə, Psakinin övladı iyul ayında dünyaya gəlməlidir. O, aprelin 1-dən Ağ evin kommunikasiya direktoru vəzifəsini tutacaq. Psaki bu postda fevralın 5-də istefaya getdiyini bəyan edən Cennifer Palmeri əvəzləyəcək.
Psaki Dövlət Departamentinin rəsmi nümayəndəsi vəzifəsində 2013-cü ilin fevral ayında işləyir. O, buna qədər – 2009-2011-ci illərdə ABŞ prezidentinin kommunikasiya üzrə köməkçisi olub. Barak Obamanın birinci prezidentliyə namizədliyi zamanı onun yanında hərəkət edən mətbuat katibi, sonradan isə Ağ evin mətbuat katibinin müavini işləyib.
Milli.Az
