Bakı, 20 fevral, AzərTAc
Bakı Fond Birjasında (BFB) Azərbaycan Respublikasının Mərkəzi Bankının ümumi həcmi 30 milyon manat, hərraca çıxarılan həcmi 5 milyon manat, bir notun nominal dəyəri 100 manat, tədavül müddəti 28 gün olan qısamüddətli notlarının yerləşdirilməsi üzrə hərrac təşkil edilib.
BFB-dən AzərTAc-a bildiriblər ki, hərrac zamanı birja üzvləri tərəfindən sifarişlər təqdim olunmadığı üçün hərrac baş tutmayıb.