Səudiyyə Ərəbistanında SARS epidemiyasının növlərindən olan “Korona” virusu tüğyan edir.
ANS PRESS-in məlumatına görə, Səudiyyə Ərəbistanı Səhiyyə Nazirliyinin internet səhifəsindən verilən açıqlamada ölkənin şərqindəki Əl-Xəbər şəhərində 2, Beridədə 2, paytaxt ər-Riyadda 1 nəfər olmaqla son 1 sutkada virus səbəbilə 5 nəfərin dünyasını dəyişdiyi deyilir.
Açıqlamada 2015-cil ilin girişindən bəri ilk dəfə gün ərzində bu qədər itkinin olduğu qeyd edilir.
Bundan başqa, xəstəliyin 2012-ci ilin sentyabrından yayıldığı, virusa yoluxanların 897 olduğu, onlardan 377-nin öldüyü, 486-nın yaxşılaşdığı, 32 nəfərin isə müalicəsinin davam etdiyi açıqlamada yer alan məlumatlar arasındadır.
Xatırladaq ki, "Korona" virusuna yoluxma halı İran və Türkiyədə qeydə alınıb. Türkiyədə ötən il oktyabrın 24-də ilk dəfə "Korona" virusundan ölüm faktı aşkarlanıb. Xəstəliyin bu ölkələrə Səudiyyə Ərəbistanına ziyarətə getmiş zəvvarlar vasitəsilə gətirildiyi bildirilir. Bu virus ağciyəri, böyrəkləri sıradan çıxarır. Mənbə
ANS PRESS