[ 20 Fevral 2015 10:04 ]
Şəmkir. Azər Məmmədli - APA. Şəmkir rayonunun Zəyəm qəsəbə sakini qonşusu tərəfindən bıçaqlanıb. Şəmkir rayon Polis Şöbəsindən APA-nın qərb bürosuna verilən məlumata görə, hadisə ötən gecə baş verib. Qəsəbə sakini, 1960-cı il təvəllüdlü Akif İslam oğlu Aslanov qonşusu 1980-ci il təvəllüdlü Fazil Nurəddin oğlu Məhərrəmovu bıçaqlayıb. Yaralı dərhal Şəmkir rayon Mərkəzi Xəstəxanasına yerləşdirilib. Həkimlər onun vəziyyətinin orta-ağır olduğunu bildiriblər.
Məlumata görə, F. Məhərrəmov əvvəlcə özündən 20 yaş böyük A. Aslanovu yumruqlayıb buna əsəbiləşən Aslanov isə onu bıçaqlayıb.
Faktla bağlı Şəmkir rayon Polis Şöbəsində araşdırma aparılır.
