Bakı – APA. Gənclər və idman naziri Azad Rəhimov fevralın 25-də Qusar rayonunda vətəndaşları qəbul edəcək.
Gənclər və İdman Nazirliyinin mətbuat xidmətindən APA-ya verilən məlumata görə, qəbulda Quba, Qusar, Siyəzən, Şabran və Xaçmaz rayon sakinləri iştirak edəcək.
Qəbul Heydər Əliyev Mərkəzində keçiriləcək.
Qəbul üçün vətəndaşların qeydiyyatı fevralın 20-dən 24-dək saat 09:00-dan 18:00-dək aparılacaq.
Qəbula gəlmək istəyən vətəndaşlar yuxarıda qeyd olunan rayonların gənclər və idman idarələri ilə əlaqə saxlamalıdırlar.