Bakı-Sumqayıt yolunda hərəkət qismən məhdudlaşdırılıb

10:32 20 Fevral 2015
Ölkə mətbuatı
A- A+

[ 20 Fevral 2015 10:22 ]


Bakı. Yeganə Laçınzadə - APA-Economics. Bu gün səhər saatlarında avtomobillərin hərəkətində sıxlıq yaranıb.

 

Nəqliyyat Nazirliyi “Azəryolservis” ASC-nin mətbuat xidmətinin rəhbəri Pünhan Mürsəliyevin “APA-Economics”ə verdiyi məlumata görə, buna Bakı-Sumqayıt yolunda aparılan təmir işləri ilə səbəb olub. Onun sözlərinə görə, təmir I Avropa Yay Olimpiya Oyunlarına hazırlıq işləri ilə əlaqədardır. P. Mürsəliyev qeyd edib ki, təmir işləri qısa zamanda yekunlaşacaq.

 

O əlavə edib ki, beynəlxalq tədbirlə əlaqədar Bakı şəhərində Ziya Bünyadov prospekti – 20 Yanvar dairəsi, Moskva prospekti – 20 Yanvar tuneli, Bakı-Sumqayıt yolu (geriyə dönməklə dairəvi yol) və Bakı-Ələt yolunun 4-cü və 14-cü km-də təmir işləri ilə əlaqədar avtomobillərin hərəkəti qismən məhdudlaşdırılıb.

 

“Şəhərin mərkəzində də bəzi yerlər var ki, orada da təmir və yenidənqurma işləri aparılır. İşlərin mart ayının sonuna qədər yekunlaşacağı gözlənilir”, - deyə P. Mürsəliyev qeyd edib.

 

Qeyd edək ki, Olimpiya Oyunlarının keçirilməsi ilə əlaqədar Bakı-Quba-Rusiya Federasiyası ilə dövlət sərhəd avtomobil yolunun 8-ci kilometrliyində 700 metrlik məsafə də təmir olunur. 


Xəbərin orijinal ünvanı: http://az.apa.az/news/373461

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR