Azərbaycan, Bakı, 20 fevral /Trend, müxbir İlkin İzzət/
Bakı sakinindən 10 kq-dan çox narkotik maddə götürülüb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, Yasamal rayon Polis İdarəsi Narkotiklə Mübarizə bölməsi və 28-ci Polis bölməsi əməkdaşlarının birgə keçirdiyi əməliyyat-axtarış tədbirləri nəticəsində Bakı şəhər sakini, 1973-cü il təvəllüdlü Oktay Qurbanəli oğlu Eyvazovdan 10 kiloqram 500 qram marixuana aşkar olunaraq götürülüb.
Faktla bağlı cinayət işi başlanıb, araşdırma aparılır.
Məqalə müəllifi ilə əlaqə ünvanı: agency@trend.az