Azərbaycan, Bakı, 20 fevral /Trend, müxbir İlkin İzzət/
Bakıda internet klubu talan edən 2 nəfər tutulub.
Bakı şəhər Baş Polis İdarəsinin (BŞBPİ) mətbuat xidmətindən Trend-ə verilən məlumata görə, yanvarın 30-da Xətai rayonu G.Şıxlinski küçəsində Bakı şəhər sakini Vüsal Əliyevə məxsus internet klubdan pəncərənin dəmir barmaqlığını sındırmaqla 2 ədəd televizor və 6 ədəd kompüter dəsti oğurlanıb.
BŞBPİ-nin Cinayət Axtarış İdarəsi əməkdaşlarının keçirdiyi əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, 1990-cı il təvəllüdlü Amir Tacəddinoviç Rəcəbəliyev və Göyçay rayon sakini, 1992-ci il təvəllüdlü Azad Laçın oğlu Əlizadə tutulublar.
Məqalə müəllifi ilə əlaqə ünvanı: agency@trend.az
