Qazax, 20 fevral, AzərTAc
Qazaxda rayon icra hakimiyyətinin və Azərbaycan Yazıçılar Birliyinin zona filialının təşkilatçılığı ilə xalq şairi Vaqif Səmədoğlunun xatirəsi anılıb.
AzərTAc xəbər verir ki, mədəniyyət və təhsil işçilərinin, poeziyasevərlərin iştirak etdiyi tədbirdə rayon icra hakimiyyəti başçısının müavini Gülaya Həsənova, Azərbaycan Yazıçılar Birliyinin Qazax zona filialının sədri, şair Barat Vüsal və başqaları çıxış edərək V.Səmədoğlunun yaradıcılığından danışıblar.
Sonra şairin sözlərinə yazılmış mahnılar və əsərlərindən parçalar səsləndirilib.
Tədbir Qazax Dövlət Dram Teatrının şairin şeirlərindən ibarət hazırladığı kompozisiya ilə başa çatıb.
