[ 20 Fevral 2015 12:24 ]
Şirvan. Əlibəy Zeynallı - APA. Sabirabad rayonunda ata və oğul narkotik faktına görə həbs edilib.
Sabirabad rayon Polis Şöbəsindən APA-nın Mil-Muğan bürosuna verilən məlumata görə, Sabirabad sakini, 11-ci sinif şagirdi, 1998-ci il təvəllüdlü Əliyev Cavidan Cabir oğlunun üzərində, oxuduğu Nizami adına orta məktəbin qarşısında 26,28 qram qurudulmuş marixuana aşkar edilib.
Aparılan əməliyyat-axtarış tədbirləri nəticəsində məktəblinin yaşadığı ünvana baxış keçirilib. Oradan müxtəlif yerlərdə gizlədilmiş 10,19 kiloqram qurudulmuş marixuana aşkar edilib. Cavidan Əliyev və onun atası, 1958-ci il təvəllüdlü Əliyev Cabir Əlabbas oğlu saxlanılıb.
Faktla bağlı Sabirabad rayon Polis Şöbəsində cinayət işi açılıb, araşdırma aparılır.
Narkotikin evdə satış məqsədilə saxlandığı bildirilir.
