Azərbaycan, Bakı, 20 fevral /Trend, müxbir İlkin İzzət/
İsmayıllıda Azərbaycan və Rusiya vətəndaşlarının avtomobillərinin toqquşması nəticəsində 3 nəfər yaralanıb.
Daxili İşlər Nazirliyinin mətbuat xidmətindən Trend-ə verilən məlumata görə, fevralın 19-da saat 06 radələrində İsmayıllı rayonu ərazisində Sumqayıt şəhər sakini Elnur Qəhrəmanovun idarə etdiyi “Hyundai” və Rusiya Federasiyası vətəndaşı Rafik Abramovun idarə etdiyi “Ksoy” markalı avtomobillər toqquşub.
R.Abramov və 2 sərnişini xəstəxanaya yerləşdirilib.
Faktla bağlı BDYPİ tərəfindən araşdırma aparılır.
Məqalə müəllifi ilə əlaqə ünvanı: agency@trend.az
