Bakı, 20 fevral, AzərTAc
Fevralın 24-də və 27-də sığortaçıların rəhbər işçisi vəzifələrinə namizədlər və müvafiq sığorta vasitəçiliyi üzrə fəaliyyətə lisenziya almaq istəyən fiziki şəxslər üçün növbəti test imtahanı keçiriləcək.
Maliyyə Nazirliyi Dövlət Sığorta Nəzarəti Xidmətindən (DSNX) AzərTAc-a bildiriblər ki, sənədləri quruma tam təqdim olunmuş şəxslər fevralın 22-də DSNX-yə müraciət edərək imtahanda iştiraklarını təsdiqləməlidirlər.
