Bakı, 20 fevral, AzərTAc
Fevralın 20-də Cəlilabad rayonunun Abdullu kəndinə təbii qazın verilişi bərpa olunub. Bu münasibətlə keçirilmiş tədbirdə rayon icra hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri, kənd ağsaqqalları iştirak ediblər.
SOCAR-dan AzərTAc-a verilən məlumata görə,
111 abonenti olan kəndin qazlaşdırılması məqsədi ilə birpilləli sistem əsasında ümumi uzunluğu 9 min 465 metr olan müxtəlif diametrli metal borularla daşıyıcı və məhəllədaxili qaz xətləri çəkilib. Mənzillərə 111 ədəd məişət qaz sayğacı və fərdi tənzimləyici quraşdırılıb.
