Bakı. Etibar Məmmədov – APA. Müsavat Partiyası Tovuz rayon təşkilatının bir qrup keçmiş üzvü Azərbaycan Xalq Cəbhəsi Partiyasına (AXCP) qoşulmaq barədə qərar qəbul ediblər.
Bu barədə APA-ya partiyanın Tovuz rayon təşkilatı sədrinin sabiq müavini Əsəd Məmmədli məlumat verib.
O bildirib ki, müvafiq qərar bu gün rayon təşkilatı üzvlərinin iştirakı ilə keçirilən ümumi yığıncaqda qəbul edilib. İclasda Müsavatın 40 nəfər keçmiş üzvü iştirak edib.