Dövlət Miqrasiya Xidməti maarifləndirmə tədbirlərini davam etdirir

Dövlət Miqrasiya Xidməti maarifləndirmə tədbirlərini davam etdirir
19:38 20 Fevral 2015
70 Ölkə
Ölkə mətbuatı
A- A+


Bakı, 20 fevral, AzərTAc 
Dövlət Miqrasiya Xidmətinin (DMX) yaradılmasının 8-ci ildönümü ərəfəsində respublikamızda əcnəbilərin və vətəndaşlığı olmayan şəxslərin maarifləndirilməsi ilə bağlı tədbirlər davam etdirilir.
DMX-dən AzərTAc-a bildiriblər ki, Qafqaz Universitetində keçirilmiş görüşdə Azərbaycan Respublikasında çalışan əcnəbi elm xadimlərinin və ali təhsil alan xarici tələbələrin miqrasiya sahəsində mövcud qanunvericilik aktlarının tələblərinə dair məlumatlandırılması və maarifləndirilməsi məqsədilə ətraflı izahat işləri aparılıb. Həmçinin milli qanunvericiliyin beynəlxalq təcrübəyə uyğunlaşdırılması, həmçinin mövcud inzibati prosedurların sadələşdirilməsi, xidmət göstərilən kontingentin, o cümlədən əcnəbilərin və vətəndaşlığı olmayan şəxslərin məmnunluq səviyyələrinin artırılması məqsədilə atılan addımlardan, miqrasiya qanunvericiliyinə edilmiş əlavə və dəyişikliklərdən bəhs olunub. Məcəlləyə edilmiş yeni dəyişikliklərə əsasən ölkəyə daxil olan əcnəbilərə və vətəndaşlığı olmayan şəxslərə dövlət sərhədinin buraxılış məntəqələrində olduğu yer üzrə qeydiyyat barədə Azərbaycan, rus və ingilis dillərində müvafiq bildiriş vərəqələrinin verilməsi də yeniliklərin nümunəsi kimi vurğulanıb.
Əcnəbi tələbələrin ən çox təhsil aldıqları və tarixi ənənəsi olan Azərbaycan Dövlət Neft Akademiyasında təşkil olunmuş görüşdə də Prezident İlham Əliyevin ümummilli liderimiz Heydər Əliyevin inkişaf strategiyasına əsaslanan, düşünülmüş və uzaqgörən siyasəti nəticəsində ölkəmizin nail olduğu uğurlardan, neft sənayesinin, eləcə də qeyri-neft sektorunun inkişafından söhbət açılıb. Bu nailiyyətlərin miqrasiya proseslərinə təsiri barədə danışılıb.
Miqrasiya Məcəlləsinə əsasən, əcnəbilərin və vətəndaşlığı olmayan şəxslərin olduğu yer üzrə qeydiyyatının, ölkə ərazisində yaşamalarının əsasları və müddətlərinin, onların ölkəmizdə müvəqqəti və daimi yaşamasının reqlamentləşdirilməsi, xarici vətəndaşların və vətəndaşlığı olmayan şəxslərin qeydiyyat sisteminin təkmilləşdirilməsi, Azərbaycan Respublikasının vətəndaşlığına bərpa, qəbul üzrə müəyyən edilmiş meyarlar görüş iştirakçıları tərəfindən maraqla qarşılanıb. Miqrasiya qanunvericiliyinin pozulmasına görə məsuliyyətin artırıldığına diqqət çəkilib.
Sonda görüş iştirakçılarını maraqlandıran suallar cavablandırılıb.


Xəbərin orijinal ünvanı: http://azertag.az/xeber/Dovlet_Miqrasiya_Xidmeti_maariflendirme_tedbirlerini_davam_etdirir-833777

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR