Bakı, 20 fevral, AzərTAc
Bakının “Neftçi” klubunun futbolçusu Ruslan Qurbanov icarə əsasında keçdiyi Xorvatiyanın “Hayduk” komandasında rəsmən təqdim olunub.
AzərTAc xəbər verir ki, 23 yaşlı futbolçuya Split təmsilçisinin 7 nömrəli forması verilib. Yeni komandası ilə mövsümün sonunadək çıxış edəcək R.Qurbanov hücum xəttinin istənilən nöqtəsində oynamağı bacardığını bildirib. “Hayduk”un nə qədər böyük klub olduğunu bilirəm. Klub rəhbərliyi mənə inanıb, komandanın heyətinə cəlb edib. Çalışacağam ki, bu etimadı doğruldum.
R.Qurbanov müqavilə ilə məxsus olduğu “Neftçi”də 41 oyunda 8 qol vurub.
