Bakı, 20 fevral, AzərTAc
Daxili işlər orqanlarının əməkdaşları narkotik maddələrin qanunsuz satışı və dövriyyəsinə qarşı mübarizəni qətiyyətlə davam etdirirlər.
Daxili İşlər Nazirliyinin mətbuat xidmətindən AzərTAc-a bildiriblər ki, Sabirabad Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon sakini Cavidan Əliyevdən 26,28 qram marixuana götürülüb. O, narkotik vasitənin atası Cabir Əliyevə məxsus olduğunu bildirib.
Cabir Əliyevin evinə baxış zamanı 10 kiloqram 18,72 qram marixuana aşkar edilib və o, tutulub.
Yasamal Rayon Polis İdarəsinin 28-ci bölməsinin əməkdaşlarının həyata keçirdikləri əməliyyat-axtarış tədbirləri nəticəsində isə Bakı şəhər sakini Oktay Eyvazovdan 10 kiloqram 500 qram marixuana götürülüb.
Faktlarla bağlı cinayət işi açılıb, araşdırma aparılır.