Azərbaycan, Bakı, 20 fevral /Trend/
Bakı sürücüləri şənbə günü yolunu Heydər Əliyev prospektindən salmasınlar.
Nəqliyyatı İntellektual İdarəetmə Mərkəzindən Trend-ə verilən məlumata görə, Bağırov körpüsünün alt hissəsində tuneldə aparılacaq təmir-bərpa işləri ilə əlaqədar fevralı 21-i səhər saat 09:00-dan Heydər Əliyev prospekti köməkçi yol-Mərkəzdən Hava limanı istiqamətində nəqliyyat vasitələrinin hərəkəti tam məhdudlaşdırılacaq.
İşlərin başa çatması fevralın 21-i axşam saatlarında kimi nəzərdə tutulub. Sürücülərə alternativ olaraq Heydər Əliyev prospekti əsas yoldan istifadə etmələri tövsiyə olunur.
Məqalə müəllifi ilə əlaqə ünvanı: agency@trend.az