Londonun "Çelsi" klubunun baş məşqçisi Joze Mourinyo PSJ-ə qarşı çempionlar liqasının 1/8 final matçından əvvəl Paris metrosunda ingilis klubunun azarkeşlərinin irqçi hərəkətinə görə zərər çəkən şəxsdən üzr istəyib.
ANS PRESS-in məlumatına görə, bu haqda "Çelsi" klubunun Twitter səhifəsində məlumat yerləşdirilib.
"Azarkeşlərin bu davranışına görə utanıram və mən yenə zərər çəkən fransızdan üzr istəyirəm. Bütün klub azərkeşlərin bu hərəkətinə görə üzr istəyir", - deyə Mourinyo bildirib.
Hadisə zamanı zərər çəkən Mavritan mənşəli 33 yaşlı fransızı S. Suleyman Parisdə doğulub. Hadisə vaxtı o işdən sonra evə qayıdırdı. "Çelsi" azarkeşləri qaradərili olduğuna görə onu metroda vaqona buraxmamışdılar. Mənbə
ANS PRESS