Bakı, 20 fevral, AzərTAc
“Xaçmaz” elektrik stansiyasında cari ilin yanvar ayında 26,1 milyon kilovat-saata yaxın elektrik enerjisi istehsal edilib. Ötən ildə isə burada istehsal edilmiş elektrik enerjisi 254,4 milyon kilovat-saata yaxın təşkil edib.
“Azərenerji” ASC-nin mətbuat xidmətindən AzərTAc-a bildirilib ki, son üç ayda stansiyada texniki qulluq işləri həyata keçirilib. Burada 110 kilovoltluq (kV) açıq paylayıcı qurğunun 11 kV-lik qapalı paylayıcı qurğusunun avadanlığında müvafiq təlimata uyğun sınaq işləri həyata keçirilib.
Qeyd edək ki, ümumi gücü 87 meqavat olan bu elektrik stansiyası 10 aqreqatdan ibarətdir.