Topaz Premyer Liqasında qış fasiləsinə 8-ci pillədə yollanan “Sumqayıt”da heyətlə bağlı “təmizləmə” işləri davam edir. Milli.Az apasport.az-a istinadən xəbər verir ki, “gənclik şəhəri” təmsilçisi daha 2 futbolçu ilə yolları ayırıb.
Söhbət milli komandanın keçmiş üzvləri Ramazan Abbasov və Fərid Quliyevdən gedir. Baş məşqçi Aqil Məmmədov əsas heyətə nadir hallarda düşən bu futbolçuların getməsini istəyib. Nəticədə hər iki oyunçu ilə əməkdaşlığa qarşılıqlı razılıq əsasında son qoyulub.
“Sumqayıt” qış fasiləsində həmçinin Tagim Novruzov, Ceyhun Cavadov və Tərlan Əhmədli ilə yolları ayırıb. “Qara siyahı”ya düşən daha bir futbolçu Kiyan Sultanpurun isə klubdakı taleyi hələ müəyyənləşməyib.
Milli.Az