"Murdar qızı murdar! Lənətə gəlmiş küçə qadını! Fahişə! Sənin başını bədənindən ayıracağam! Başını kəsəcəyəm sənin!"
Sağ əlində böyük mətbəx bıçağı tutmuş ər sol əli ilə arvadını özünə sıxmış, çənəsini yuxarı qaldırmışdı. O, bıçağı arvadının boynuna çəkmək, qadının başını bədənindən ayırmaq istəyirdi.
Qadınsa yalvarırdı: "Öldürmə məni! Əl çək məndən! Kömək edin!"
Qadının qışqırıqlarına bir qız gəlib və əlində bıçaq tutmuş kişiyə "At o bıçağı! İndi polis çağıracağam!" bağırıb.
Qorxan kişi də bıçaq tutmuş əlini aşağı salıb.
Milli.Az CNBS-yə istinadən bildirir ki, olay Britaniyanın Kent qraflığındakı Marqet şəhərində baş verib. Kampus ərazisində yaşayan Qlenn Mills içib sərxoş olandan sonra arvadı Syuzanla dava edib. Qadını döyən Qlenn bununla sakitləşməyərək "xəyanət"də suçladığı Syuzanın başını kəsmək istəyib.
Prokuror Dominik Konollinin dediyinə görə, 48 yaşlı Qlen Mills 2012-ci ildə qatı xuliqanlığa görə həbs olunub.
Milli.Az
