Xaçmaz, 21 fevral, AzərTAc, Elxan Yusifli
Xaçmazda şahmat məktəblərinin komandaları arasında keçirilən zona birinciliyinin qalibləri müəyyənləşib.
AzərTAc xəbər verir ki, birincilikdə Xaçmaz, Quba, Şabran, Xızı, Cəbrayıl, Zəngilan, Qubadlı rayonlarını, eləcə də Bakı şəhərini təmsil edən 10 komandanın 60 şahmatçısı dairəvi sistem üzrə mübarizə aparıb.
Zona birinciliyinin qalibi adını Bakı şəhərinin Nəsimi rayonundakı şahmat məktəbinin komandası qazanıb. İkinci yerə Quba, üçüncü yerə isə Cəbrayıl şahmatçıları çıxıblar.
İlk iki yeri tutan komandalar respublika birinciliyinin final mərhələsinə vəsiqə qazanıb.