Bakı, 21 fevral, AzərTAc
Səhiyyə Nazirliyi klinik bazaların travmatologiya-ortopediya ixtisası üzrə rezidentlərini “Bazu oynağı sınıqları, diaqnostika və müalicə üsulları” mövzusunda seminara dəvət edir.
Nazirliyin mətbuat xidmətindən AzərTAc-a verilən məlumata görə, seminar fevralın 27-si saat 13:00-da Elmi-Tədqiqat Travmatologiya və Ortopediya İnstitutunda keçiriləcək. Məruzəçi institutun kiçik elmi işçisi, Türkiyə Respublikasında uzmanlıq təhsili almış travmatoloq-ortoped Fərhad Verdiyevdir.