Bakı, 21 fevral, AzərTAc
“Azərsu” ASC tərəfindən həyata keçirilən genişmiqyaslı tədbirlər nəticəsində ötən ilin iyul ayından Bakının Pirallahı rayonunun əhalisinin keyfiyyətli içməli su ilə təminatına başlanılıb.
Rayon icra hakimiyyətindən AzərTAc-a bildirilib ki, hazırda Pirallahı qəsəbəsindəki çoxmənzilli yaşayış binalarının su təchizatı sistemləri yenidən qurulub və sakinlər 24 saat ərzində içməli su ilə təmin olunurlar.
Bundan əlavə, qəsəbənin 28-ci, 29-cu və 40-cı məhəllələrinin, eləcə də, Səməd Vurğun küçəsinin sakinləri daimi içməli su alırlar.
