Rostov-Donda 3 yaşlı uşaq narkotik və energetik içkidən ölüb.
Milli.Az İnterfax-a istinadən bildirir ki, şəhərin 26 yaşlı sakininə 3 yaşlı uşağının ölümünə bais olduğuna görə cinayət işi açılıb.
"İlkin məlumata görə, 2014-cü il dekabrın 31-də şübhəli bilinən şəxs toz halında olan güclü narkotik və zəif alkoqollu "Ten Strike" içkisi qəbul edib. Həmçinin bunları 2011-ci il təvəllüdlü uşağına da verib", - RF İstintaq Komitəsinin Rostov vilayəti üzrə istintaq qrupundan bildirilib.
Qurumun mətbuat xidmətinin məlumatına görə, 3 yaşlı uşaq təcili yardım gələnədək keçinib.
İstintaq davam edir.
Milli.Az