Bakı 2015 Avropa Oyunları ərəfəsində Nizami və Xətai rayonlarında yerləşən şadlıq evlərində toylara qadağa qoyulub.
Axşam.az-ın məlumatına görə, buna səbəb nəqliyyatda yarana biləcək sıxlıqların qarşısını almaqdır.
Bu haqda ATV-yə Bakı şəhər Dövlət Yol Polisi İdarəsinin bölmə rəisi, polkovnik-leytenant Vaqif Əsədov məlumat verib:
"Ölkəyə gələcək idmançıların və tamaşaçıların təhlükəsizliyinin təmin edilməsi vacib məsələlərdən biridir. Avropa Oyunlarının keçiriləcəyi ərəfədə toy mərasimlərinin təşkili məqsədəuyğun deyil. Bunu edən şəxslərə əvvəlcədən tövsiyə edirik ki, tıxacların, nəqliyyatdakı sıxlığın qarşısını almaq üçün toy mərasimini başqa aya keçirsinlər”.
Qeyd edək ki, Avropa Oyunları iyunun 12-dən 28-nə kimi davam edəcək.
