Ağdam, 22 fevral, Tahir Ağaməmmədov, AzərTAc
Ağdam Dövlət Dram Teatrında Miroslav Mitoreviçin “Gecə yarısı soyğunçuluq” tamaşası nümayiş etdirilib.
AzərTAc xəbər verir ki, tamaşanın quruluşçu rejissoru Sərvər Əliyev, quruluşçu rəssamı Elman Balakişiyev, musiqi tərtibatçısı Azər Şükürovdur. Əsas rolları Cəmilə Məmmədzadə, Afəridə Sabirqızı, Natiq Aslan, Elşən Cavadov, Nizami Ələkbəroğlu və başqaları ifa ediblər.
Teatrın direktoru Məhəmməd Hüseynov bildirib ki, bu il, həmçinin Ə.Haqverdiyevin “Kimdir müqəssir”, Ş.Perronun “Sehrbaz qadın”, Ü.Hacıbəylinin “Ər və arvad” operettası əsasında “Təzə gəlin” tamaşaları da teatrsevərlərə təqdim olunacaq.
