Azərbaycan, Bakı, 22 fevral /Trend, müxbir Hüseyn Vəliyev/
Azərbaycan Milli Elmlər Akademiyasının (AMEA) İdarəetmə Sistemləri İnstitutu (İSİ) "Robust Noise Monitoring" (RNM) diaqnostika və idarəetmənin monitorinq sistemləri stansiyalarının işini çətin səhra şəraitlərinə uyğunlaşdırır. Bu barədə Trend-ə İnstitutdan bildiriblər.
Modernləşdirmə stansiyaların məişət elementlərinin istənilən hava şəraitində çalışanlarla əvəz edilməsini nəzərdə tutur ki, bu da stansiyanın işini xeyli yaxşılaşdıracaq.
Hazırda Azərbaycanın və Naxçıvan MR-in ərazisində fəaliyyət göstərən seysmik stansiyaların sayı 12 ədəddir.
Mövcud stansiyalar anomal seysmik proseslər özünü yerin səthində göstərməzdən 15-20 saat əvvəl onları qeydə almaq gücündədir.
Məqalə müəllifi ilə əlaqə ünvanı: agency@trend.az
