Bakı, 22 fevral, AzərTAc
Məşhur Amerika boksçusu Məhəmməd Əlinin və onun həmvətəni Sonni Listonun əlli il əvvəlki döyüş əlcəkləri Nyu-Yorkda keçirilən hərracda 956 min dollara dollara satılıb. Alıcının adı açıqlanmır.
AzərTAc Vesti.ru saytına istinadla xəbər verir ki, Məhəmməd Əli məhz bu əlcəklərlə 1965-ci ildə Listona qalib gələrək ilk dəfə dünya çempionu titulunu qoruya bilmişdi. Əlinin ilk dəfə dünya çempionu olduğu döyüşdə istifadə etdiyi digər əlcəkləri isə ötən il 836,5 min dollara satılmışdı.
Məhəmməd Əli 1999-cu ildə “Əsrin idmançısı” adını qazanıb. Əfsanəvi boksçu 1984-cü ildən Parkinson xəstəliyindən əziyyət çəkir. Bu ilin yanvarında onun 73 yaşı tamam olub.
