Gəncə, 22 fevral, Sabir Əliyev, AzərTAc
Respublikamızın qərb bölgəsində çalışan 100 mindən artıq işçinin əmək müqaviləsi elektron-informasiya sisteminə daxil edilib.
Bu barədə AzərTAc-a məlumat verən 21 saylı region üzrə dövlət əmək müfəttişliyinin rəisi Xaqani Səfərov deyib ki, işçilərin əmək müqaviləsinin elektron-informasiya sisteminə daxil edilməsi onların gələcəkdə pensiya təminatında mühüm rol oynayacağı nəzərə alınaraq reallaşdırılır. Bu məqsədlə müfəttişliyin əməkdaşları hər gün yoxlamalar aparır, qanunun icrası ilə bağlı tədbirlər görürlər. Təkcə 2014-cü ildə yoxlamalar zamanı müəssisə və təşkilatlarda 60-a yaxın qanun pozuntusu aşkarlanıb ki, onun da təcili aradan qaldırılması təmin edilib.
