Milan şəhər nəqliyyatına məxsus 166 nəqliyyat vasitəsi xəttə (avtobus və tramvaylar) Xocalı faciəsi haqqında stikerlərlə çıxıblar. Milli.Az Trend-ə istinadən bununla bağlı görüntüləri təqdim edir.
Qeyd edək ki, fevralın 24-də İtaliyanın Milan şəhərinin ən böyük teatrlarından birində - "Teatro Filodramattici"-də Xocalı facisəni təkcə bir epizodla, amma dəhşəti tam əks etdirən "Xocalıda Qırmızı Mələk" tamaşası səhnələşdiriləcək. Tamaşanı tanınmış italyan aktyorlar hazırlayıb. Tamaşa italyan dilində olacaq.
Azərbaycan Prezidenti yanında QHT-lərə Dövlət Dəstəyi Şurasının dəstəyi ilə gerçəkləşəcək tamaşanın elanları bütün Milanda 2 həftədir yayılır.
Milli.Az